Anoman Duta


Sawise kabeh bupati nindakake sembah sungkem, Sugriwa dhawuh,

 "Anoman lan Anggada, Anila lan Paman Jembawan, kowe kabeh dakdhawuhi menyang Alengka saperlu nggoleki Gusti Dewi Sinta. Kowe nggawaa prajurit kang akeh. Welingku marang kowe kabeh padha ngati-ati lan waspadaa marang sapa wae. Aja gampang kapilut aja gampang kapencut marang sapa wae kang durung kokenal." 

Iku mau wejangane Sugriwa marang wanara cacah papat kasebut.

"Sendika dhawuh, Gusti!" 

wangsulane Anoman minangka tandha dadi dutane. wanara papat mau bebarengan. Sadurunge wanara papat mau padha budhal, Ramawijaya nambahi paring piweling wigati marang Anoman.

 "Anoman, sira kudu ngati-ati tenanan lan waspada ana ing Alengka. Manawa sira wis nemokake Gustimu Dewi Sinta, kalpika iki aturna supaya Dewi Sinta pracaya manawa sira bener-bener utusaningsun. Kalpika iki minangka pratandhane."

Anoman ngestokake dhawuh banjur nampa kalpika iku.

Nalika dina wis wiwit surup, Anoman lan Anggada, Anila lan Jembawan sarta prajurit wanara mau padha mabur nuju ing Alengka. Tengah wengi wis padha tekan pucuke Ardi Suwela. Nalika wis esuk Anoman sakanca ndulu ana guwa, kabeh banjur mlebu guwa mau. Pranyata guwa iku endah banget kayadene kraton.
Para prajurit wanara sapandhegane kabeh padha kaget weruh ana wanodya ayu ing njero guwa mau. Sakabehe wanara padha lali marang welinge Sugriwa lan Ramawijaya. Kabeh padha lena kang njalari dadi padha wuta marga dipaeka dening wanodya ayu mau kang jenenge Dewi Sayempraba. Dewi Sayempraba iku sejatine buta anake Prabu Wisamarta lan ibune Sumeru Suwari.
Rombongan wanara padha getun kabeh jalaran lena kang ndadekake wuta. Kabeh kepengin mati wae tinimbang ora bisa mrantasi gawe. Dumadakan ana Garudha Sempati, sawijine manuk garudha kang ora duwe wulu. Dheweke iku kakange Garudha Jathayu kang ngusadani kabeh bisa melek maneh lan mituturi carane bisa tekan Alengka.
Anoman sakanca banjur nutugake laku menyang Gunung Mahendra. Saka Gunung Mahendra mung Anoman kang budhal menyang Nagara Alengka. Anoman mesat mabur kaya manuk garudha. Dumadakan Anoman kaget amarga ana kang nyamber yaiku raseksa Tatekini. Anoman dipangan urip-uripan mlebu weteng nanging Anoman banjur tiwikrama. Awake malih dadi gedhe kaya buta saengga awake Tatekini bedhah dadi lan patine. 
Anoman nutugake laku menyang Gunung Maenaka yaiku sawijine gunung kang bisa guneman kaya manungsa. Gunung Maenaka ngandharake manawa Rahwana wis akeh dosane mula kudu enggal dibesmi. Saka Gunung Maenaka, Anoman banjur mabur menyang Nagara Alengka. Dheweke ngati-ati banget supaya ora konangan dening prajurit raseksa kang padha jaga. Anoman nliti kahanan kanthi premati. Kabeh bangunan ditliti digoleki ana ngendi dununge Dewi Sinta. 
Wis sawetara suwene Anoman anggone nggoleki nanging durung ketemu. Dheweke wis kesel nedya leren, tengah wengi bakal diterusake maneh. Dumadakan dheweke weruh taman kang nyalawadi. Anoman duwe sasmita manawa Dewi Sinta ana njero taman iku. Tenan, Dewi Sinta ana ing taman iku, yaiku Taman Argasoka. Kanthi ngati-ati banget Anoman mlebu ing taman nemoni Dewi Sinta, banjur matur manawa dheweke iku utusane Ramawijaya. Kalpika saka Ramawijaya banjur diaturake marang
Dewi Sinta.


TEMBUNG WIGATI ING TEKS ‘ANOMAN DHUTA”

1.       Dhuta : Utusan

2.       Wanara : Kethek

3.       Sapandhegane: sakrombongan

4.       Praja : Kerajaan

5.       Miber : Mabur

6.       Didhusta : Diapusi

7.       Mapag : Methuk

8.       Ngusadani: nulungi

9.       Tiwikrama: malih awake (berubah wujud)

10.   Nyalawadi: narik kawigaten

11.   Wewaler: nasehat kang wujude larangan

12.   Kalpika: ali-ali


Sumber: Buku Widya Adi Basa Jawi 3

Komentar

Posting Komentar

Postingan populer dari blog ini

Laire Raden Rama Wijaya

 Prabu Dasarata, raja ing Negara Ayodya kagungan garwa cacah telu, yaiku Dewi Kosalya, Dewi Kekayi, lan Dewi Sumitra. Nanging nganti suwe garwa telu kasebut durung peputra. Prabu Dasarata banjur nyenyuwun marang dewa, ora let suwe garwa cacah telu kasebut padha nggerbini. Dewi Kosalya nglairake putra kakung banjur kaparingan nama Rama. Dewi Kekayi uga ngalirake putra kakung kaparingan nama Bharata. Dewi Sumitra nglairake putra kembar diparingi nama Laksmana lan Satrugna  Putra cacah papat kagulawenthah kanthi kebak tresna asih. Saben dina diparingi ngelmu lan seserepan, utamane babagan tresna asih mring sesama uga marang sakabehing titah. Nengenake manembah marang Gusti Kang Kuwasa, nduweni sipat satriya, sarta gladhen kanuragan. Anggone necep kawruh kang maneka rupa kasebut dipasrahake marang Resi Wasista. Bocah papat ngancik jaka lan dewasa. Kabeh nduweni kuwasisan lan kelantipan, nanging Rama katon kang paling pinunjul tinimbang sedulur telu liyane.  Rama, satriya bagu...
Baca selengkapnya

PARAMASASTRA : TEMBUNG LINGGA LAN ANDHAHAN

  1. TEMBUNG LINGGA Dalam referensi Bahasa Jawa, menyatakan pengertian tembung lingga sebagai berikut: Tembung lingga yaiku tembung kang durung owah saka asale. Owah tegese kang durung oleh imbuhan apa-apa (ater-ater seselan lan panambang ). Artinya : Tembung lingga adalah kata yang belum berubah dari bentuk awalnya. Berubah maksudnya belum mendapat imbuhan apa apa baik berupa awalan, tengahan atau akhiran. Tembung lingga disebut juga  tembung kang isih wungkul, isih wantah utawa isih asli. Tembung lingga juga bisa digolongkan dalam  kata wujud bebas (bentuk bebas). Lawan dari tembung lingga adalah tembung andhahan (kata berimbuhan). Pembagian Tembung Lingga Tembung lingga dibagi menjadi tiga yaitu: Tembung lingga kang dumadi saka sakwanda :  artinya tembung lingga yang terdiri atas satu suku kata saja. Wanda artinya suku kata atau kecap kata. tembung lingga ini juga disebut   tembung wod .  Contohnya kata: dom, seng, sak, pring, bak, rak. Tembung lingga ka...
Baca selengkapnya

Serat Wulangreh Pupuh Sinom

Serat wulangreh diserat dening Paku Buwana IV ing serat Wulangreh ana 33 pada/bait sinom Watak pupuh sinom yaiku grapyak   Paugeran tembang sinom Guru lagu                 : a, i, a, i, i, u, a, i, a Guru wilangan        : 8, 8, 8, 8, 7, 8, 7, 8, 12 Guru gatra               : 9 gatra   PADA 1 Ambege kang wus utama,  tan ngendhak gunaning jalmi,  amiguna ing aguna,  sasolahe kudu bathi,  pintere den alingi,  bodhone didokok ngayun,  pamrihe den inaa,  mring padha-padhaning janmi,  suka bungah den inaa sapadha-padha  ISI PADA 1 Perilaku wong kang wis sampurna yaiku, ora bakalan ngina kapinterane wong liya, kapinterane dhewe dhidhelikake dene bodhone diduduhake, aja nganti diarani pinter karo wong liya, dheweke seneng yen diina TEGES SABEN TEMBUNG PADA 1 (ARTI SETIAP K...
Baca selengkapnya