Serat Wulangreh Pupuh Sinom

Serat wulangreh diserat dening Paku Buwana IV

ing serat Wulangreh ana 33 pada/bait sinom

Watak pupuh sinom yaiku grapyak

 

Paugeran tembang sinom

Guru lagu               : a, i, a, i, i, u, a, i, a

Guru wilangan      : 8, 8, 8, 8, 7, 8, 7, 8, 12

Guru gatra             : 9 gatra

 

PADA 1

Ambege kang wus utama, 
tan ngendhak gunaning jalmi, 
amiguna ing aguna, 
sasolahe kudu bathi, 
pintere den alingi, 
bodhone didokok ngayun, 
pamrihe den inaa, 
mring padha-padhaning janmi, 

suka bungah den inaa sapadha-padha 

ISI PADA 1

Perilaku wong kang wis sampurna yaiku, ora bakalan ngina kapinterane wong liya, kapinterane dhewe dhidhelikake dene bodhone diduduhake, aja nganti diarani pinter karo wong liya, dheweke seneng yen diina

TEGES SABEN TEMBUNG PADA 1 (ARTI SETIAP KATA BAIT 1) 

 

No	Jawa Kawi	Jawa ngoko	B.Indonesia
1.	ambege	watak, sipat
2.	tan	ora	tidak
3.	ngendhak	ngremehake	meremehkan, merendahkan
4.	guna	pinter
5.	sasolahe	sak tingkahe	setiap tingkah laku
6.	bathi	untung	laba
7.	didokok	diselehke	diletakkan
8.	ngayun	ngarep	depan
9.	pamrihe	tujuane	tujuannya
10.	den inaa	diece	dihina
11.	mring	marang	oleh
12.	janmi	manungsa	manusia
13.	suka bungah	seneng banget	seneng sekali

PADA 2

Ingsun uga tan mangkana, 
Balilu kang sun alingi, 
Kabisan sun dekek ngarsa, 
Isin men nek denarani, 
Balilu ing sujanmi, 
Nanging batin ingsun cubluk, 
Lumaku ingaran wasis, 
Tanpa  ngrasa prandene sugih carita 

ISI PADA 2

Aku (panyerat/penulis) ora ngunu kuwi, bodhoku dakdhelikake lan kapinterane dakduduhake amarga aku isin yen diarani bodho karo wong liya, senadyan aku bodho aku pengen diarani pinter saengga tanpa krasa aku gawe cerita sing ora ana dhasare/ ngapusi

TEGES SABEN TEMBUNG (ARTI SETIAP KATA) PADA 2

No	Jawa Kawi	Jawa ngoko	B.Indonesia
1.	ingsun	aku	aku
2.	balilu	bodho	bodoh
3.	alingi	tutupi	tutupi
4.	mangkana	mangkana	demikian
5.	kabisan	kapinteran	kepintaran
6.	ngarsa	ngarep	depan
7.	denarani	diarani	disebut
8.	cubluk	bodho	bodoh
9.	ingaran	diarani	disebut
10.	wasis	pinter	pintar