Serat Wulangreh Pupuh Kinanthi

Serat Wulangreh mligine pupuh Kinanthi, isine bab cara srawung utawa milih kanca. Kanca kang becik lan kanca kang ala kang migunani marang manungsa saengga manungsa bisa mbedakake prakara kang ala lan becik. Manawa manungsa anggone milih kanca sembarangan, prasasat bakal rugi tembe mburine. Ing serat iki, diandharke, kanca bisa nggawa berkah bisa uga nggawa cilaka. Manawa cilaka bakal awake dhewe sing rugi. Manawa rugi bakal neangsa salawase urip. Mumpung kabeh iki during kelakon, mulane tansah ngati-ati lan waspada. Sakliyane kuwi ing pupuh Kinanthi ing serat Wulangreh uga ana pitutur kanggo wong enom.  Pituture yaiku wong enom kudu ngajeni marang wong tuwa.

Pupuh kinanthi duweni watak utawa sipat seneng, asih, lan tresna. Pupuh iki cocog kanggo maringi gambaran utawa kahanan kang samesthine dumadi ing tengahing bebrayan agung. Bisa uga maringi gambaran samubarang kang lucu, tresna sajroning ati. Pupuh iki kalebu pupuh angka loro sajroning Serat Wulangreh. \

Paugeran Pupuh kinanthi

1.     Guru gatra : 6 gatra

2.     Guru wilangan : 8, 8, 8, 8, 8, 8

3.     Guru lagu : u, i, a, i, a, i

Gancaran Serat Wulangreh Pupuh Kinanthi pada

1.     

Padha gulangen ing kalbu

Ing sasmita amrih lantip

Aja pijer mangan nendra

Kaprawiran den kaesthi

Pesunen sariranira

Sudanen dhahar lan guling

: Kulinakna ngasah kalbu (ati)

: Supaya pikiranmu landhep

: Aja mung seneng mangan turu

: Sifat kasatriyan dadi tuladha

: Latihen awakmu tenanan

: Kurangana mangan lan turu

 

Kulinakna ngasah ati kanthi cara sinau tindak tanduk lan solah basa kang becik, supaya pikiranmu pinter, trampil lan landhep. Aja mung seneng mangan karo turu, sokur-sokur bisa neladhani watak kesatriya lan kepahlawanan kang sejati. Kanggo nggayuh pajangka kasebut, mulane kurangana anggonmu mangan lan turu, tegese kerep nglakoni ‘pasa’ yaiku meper jiwa lan raga, aja nganti diumbar.

 

2.     

Dadiya lakunireku

Cegah dhahar lawan guling

Lawan aja asukan-sukan

Aganggoa sawatawis

Ala watake wong suka

Nyuda prayitnaning batin

: Dadekna lakumu (kebiasaan)

: Aja mangan lan turu

: Lan aja seneng-seneng

: Yen klamben sakperlune

: Eleke watak wong sing seneng seneng-seneng

: Ngurangi landhepe ati

 

Dadekna lelakon kang becik kasebut minangka ‘laku’ kanthi cara akeh tirakate/ prihatine. Aja mung ngakehake mangan karo turu, aja seneng tumindak boros (ngebreh, keladuk) prayoga gemi setiti. Amarga wong kang seneng ngebeh, keladuk, batine ora landhep/tanggap marang kahanan sakiwa tengene (mati rasa)

 

3.     

Yen wus tinitha wong agung

Aja sira umunggung dhiri

Aja raket lan wong ala

Kang ala lakunireku

Nora wurung ngajak-ajak

Satemah anenulari

: Yen kowe dititahake dadi wong gedhe (panguwasa)

: aja banjur umuk (sombong)

: aja cedhak - cedhak karo wong ala

: sing elek tumindake

: jalaran ora wurung

: bakal nulari

 

Upama sliramu dadi penggedhe, panguwasa, aja gumedhe, aja angkuh, aja adigung. Aja seneng nyedhaki wong kang kalakuane/tingkah laku lan solah bawane ala, amarga suwe-suwe watak kang kaya mangkon bisa nular marang kowe.

 

4.     

Nadyan asor wijilipun

Yen kelakuane becik

Utawa sugih carita

Carita kang dadi misil

Iku pantes raketana

Darapon mundhak kang budi

: Senajan saka trah ngisor

:  nanging tumindake apik

: Utawa duwe akeh cerita

: cerita sing isine tuladha

: wong ngono kuwi patut disrawungi/ dicedhaki

: Supaya nambah bebudenmu.

 

 

Senajan saka trah utawa keturunan wong sekeng, kere, miskin, pidak pedarakan, nanging yen pituture luhur, migunani, dheweke patut disrawungi lan dienggo pituture. Mangkono iku bakal bisa nambah paseduluran lan bebudenmu.

SUMBER

Priyantono dan Sawukir. 2019. Mandiri Basa Jawa kanggo SMP/MTs Kelas VIII. Jakarta: PT Gelora Aksara Pratama.

Sumarlam dan Ersyani Siti Suryani. 2015. Widya Adi Basa Jawa kangge Kelas VIII SMP/ SMPLB/ MTs. Solo: PT Tiga Serangkai Pustaka Mandiri. 

Komentar

Posting Komentar

Postingan populer dari blog ini

Laire Raden Rama Wijaya

 Prabu Dasarata, raja ing Negara Ayodya kagungan garwa cacah telu, yaiku Dewi Kosalya, Dewi Kekayi, lan Dewi Sumitra. Nanging nganti suwe garwa telu kasebut durung peputra. Prabu Dasarata banjur nyenyuwun marang dewa, ora let suwe garwa cacah telu kasebut padha nggerbini. Dewi Kosalya nglairake putra kakung banjur kaparingan nama Rama. Dewi Kekayi uga ngalirake putra kakung kaparingan nama Bharata. Dewi Sumitra nglairake putra kembar diparingi nama Laksmana lan Satrugna  Putra cacah papat kagulawenthah kanthi kebak tresna asih. Saben dina diparingi ngelmu lan seserepan, utamane babagan tresna asih mring sesama uga marang sakabehing titah. Nengenake manembah marang Gusti Kang Kuwasa, nduweni sipat satriya, sarta gladhen kanuragan. Anggone necep kawruh kang maneka rupa kasebut dipasrahake marang Resi Wasista. Bocah papat ngancik jaka lan dewasa. Kabeh nduweni kuwasisan lan kelantipan, nanging Rama katon kang paling pinunjul tinimbang sedulur telu liyane.  Rama, satriya bagu...
Baca selengkapnya

PARAMASASTRA : TEMBUNG LINGGA LAN ANDHAHAN

  1. TEMBUNG LINGGA Dalam referensi Bahasa Jawa, menyatakan pengertian tembung lingga sebagai berikut: Tembung lingga yaiku tembung kang durung owah saka asale. Owah tegese kang durung oleh imbuhan apa-apa (ater-ater seselan lan panambang ). Artinya : Tembung lingga adalah kata yang belum berubah dari bentuk awalnya. Berubah maksudnya belum mendapat imbuhan apa apa baik berupa awalan, tengahan atau akhiran. Tembung lingga disebut juga  tembung kang isih wungkul, isih wantah utawa isih asli. Tembung lingga juga bisa digolongkan dalam  kata wujud bebas (bentuk bebas). Lawan dari tembung lingga adalah tembung andhahan (kata berimbuhan). Pembagian Tembung Lingga Tembung lingga dibagi menjadi tiga yaitu: Tembung lingga kang dumadi saka sakwanda :  artinya tembung lingga yang terdiri atas satu suku kata saja. Wanda artinya suku kata atau kecap kata. tembung lingga ini juga disebut   tembung wod .  Contohnya kata: dom, seng, sak, pring, bak, rak. Tembung lingga ka...
Baca selengkapnya

Serat Wulangreh Pupuh Sinom

Serat wulangreh diserat dening Paku Buwana IV ing serat Wulangreh ana 33 pada/bait sinom Watak pupuh sinom yaiku grapyak   Paugeran tembang sinom Guru lagu                 : a, i, a, i, i, u, a, i, a Guru wilangan        : 8, 8, 8, 8, 7, 8, 7, 8, 12 Guru gatra               : 9 gatra   PADA 1 Ambege kang wus utama,  tan ngendhak gunaning jalmi,  amiguna ing aguna,  sasolahe kudu bathi,  pintere den alingi,  bodhone didokok ngayun,  pamrihe den inaa,  mring padha-padhaning janmi,  suka bungah den inaa sapadha-padha  ISI PADA 1 Perilaku wong kang wis sampurna yaiku, ora bakalan ngina kapinterane wong liya, kapinterane dhewe dhidhelikake dene bodhone diduduhake, aja nganti diarani pinter karo wong liya, dheweke seneng yen diina TEGES SABEN TEMBUNG PADA 1 (ARTI SETIAP K...
Baca selengkapnya